November 29, 2023
He petihana hei tautoko i ngā ture auahi kore
Kua whakarewa a Hāpai te Hauroa i tētehi petihana e whakahē ana i te hiahia o te kāwanatanga hou ki te whakakore i ētehi wāhanga o ngā ture auahi kore. E ai ki tētehi Kaihāpai Hauora Tūmatanui ki Hāpai te Hauora, a Nikau Reti-Beazley, neke atu i te 10,400 ngā tāngata i mokohia te petihana i ana ngā rā e rua.
Kua kī te kāwanatanga haumi hou o Nāhinara, ACT me Aotearoa Tuatahi ka whakakorea ngā wāhanga ture e pā ana ki te whakaiti nikotini ki ngā hikareti me te nui o ngā toa hoko hikareti, ki te here i ngā momirehu, ā, ki te rāhui i te hoko atu o ngā hikareti ki ngā rangatahi anō hoki.
Ka kī a Reti-Beazley, “Ko tā mātou hiahia, tonoa atu ō mātou pae papori: Waitohungia te petihana kia pai ai tā mātou tuku i ā koutou whakaaro me tō koutou tautoko pau te kaha ki tēnei kaupapa ki te kāwanatanga hou, e rongo ai rātou, e kite ai rātou, e marama ai rātou ki te pīki raruraru kua hua ake ki roto i a rātou tūwhai kōrero, ā rātou tūwhai whakatau.”