November 27, 2023
Tākuta Ferris -“He rangatira ngoikore a Chris Luxon…”
Nā runga i tōna kūare, me tōna koretake ki te whakatika i ōna hoa kōtui kāwanatanga he kaiārahi koretake a Christopher Luxon. Koia ngā whakaaro o mema pāti Māori ki te tūru o Te Tai Tonga a Tākuta Ferris, mō te whakamanatanga o te kāwanatanga hōu i te rangi nei na.
Hei tā Ferris hoki, kāore i māia a Luxon ki te whakatika i ōna hoa kōtui i mua i te putanga o ā rātou kaupapa here pēnei i te pīre hōu mō Te Tiriti o Waitangi.
E mea ana a Ferris, “taku titiro atu he rangatira ngoikore a Chris Luxon mehemea i whaiwhakaaro nui ia ki te rangimārie o tau o te motu kua kore ia e huaki te kuaha kia tū me kī ēnei whakaaro poroheahea nei o David Seymour. Engari kīhei ia i tae pērā i whakaae atu i mea atu āe ka tautoko i a koe mō te wāhanga tuatahi kātahi ka riro ki a koe.”