Kīngitanga ki Taranaki: Te mutunga mai o te ataahua

Waatea Images

Reuben Epiha Nika Rua

Download Audio

Te mutunga mai o te ataahua. Koia ngā kupu i whakaahua ai te kaupapa i tae ai te Kīngitanga me Kīngi Tuheitia ki te Pā o Parihaka i ngā rekereke o Taranaki maunga i te Rāhoroi.

Hei tā te māngai o Tuhoe iwi, hei tā NIka Rua, inā te hirahira o te wairua i rongo i te hui whakanui i te tupuna a Te Whiti o Rongomai, me te taenga atu o Tūheitia ki te hui hoki, hei whakapakari i ngā hononga ki waenga i te iwi me te Kīngitanga.

Koia te wā tuatahi kua tae atu a Tūheitia, ā-Kīngi, ki Parihaka, ā, hei tā Rua, nāna te kaupapa i whakaaweawe me ana kōrero whakamataara i ngā iwi ki ngā take o te wā.

“I rongo hoki i te mauri o te kaupapa i karangahia e te Kīngi, otirā, e ōna huanga o roto o te Taihauāuru. Nō reira, he rā whakamiharo, he rā wairua, he rā whakahīhiri i te ngākau, he rā whakamataara i ngā iwi o te motu, otirā, he whakamataara i a tātou ki ngā kaupapa kei mua i te aroaro. Nōreira he wairua ora, he wairua pai.”

RELATED NEWS

Pooti a Ngāi Te Rangi ki a Nahinara Mihi a Sonny Tau ki a Andrew Little Te rā whakanui i ā Tā Māui Pōmare