He rapehi noa ngā kōrero ka pakanga te Māori ki te tū pōtitake i te Tiriti.

Waatea Images

He rāpehi noa ngā kōrero a ētahi kaitōrangapū e mea nei he pakanga kei te haere ki te tū he pōtitake mō te Tiriti o Waitangi.

Koia ngā kōrero a te mema Kākāriki o mua a Metiria Turei, nā ngā kōrero kua puta i a Willie Jackson rāua ko Marama Davidson e kī nei kua rāngona kōrero e rāua kei huri a ngai Māori ki te pakanga ki te tū te pōtitake e hiahia nei e ACT kia panoni i ngā mātāpono o te kawenata o te motu.

Hei tā Turei, ahakoa ngā pahupahu, me ngā kōrero kaikiri a te kaiarahi o ACT, a David Seymour, ko te hiahia matua a Chris Luxon ko te whakakotahi i te motu, kaua ko te whakawehe.

Kei te tū tonu ngā kōwhiringa kōrero kāwanatanga ki waenganui i ngā pāti o Nāhinara, ACT, me Aotearoa Tuatahi, ā, hei tā Turei, me whai kē te kāwanatanga hōu, kia whakamārama i ngā hua kua whaia e te motu whānui, nā ngā mahi arotake a te Māori i raro i te Taraipunara o Waitangi, hei tāna, mā reira e nui ake ai te tautoko ki te Tiriti.

RELATED NEWS

Ma te wairua e tautoko te wairua Kua mahea, kua wātea a Nanaia Mahuta Whitelock + Retalick = Wikitoria