November 08, 2023
Kelvin Davis: Kāore au e tū anō
Kua whakatauhia e Kelvin Davis kaore ia mō te tū anō hei kaitono mō te pāti hei te tau 2026.
Nō te Paraire i whakatau ai kua riro te tūru Māori o Te Taitokerau, te tūru kua nohoa e Davis mō ngā tau e iwa, i a Mariameno Kapa-Kingi, ā, nōnāhi tuku hoki ai a Davis i te pōtae kaiārahi tuarua o te pāti ki a Carmel Sepuloni.
Hei tā Davis, nā tōna kore tū anō a te kōwhiringa pōti 2026 i whakatau ai ia, kia tatū hoki ia i tana tūranga kaiārahi tuarua, hei tāna, kāore he take kia koke tonu ia i taua tūranga.
I kī tonu a Davis, mā tōna whakataunga nei e taea ai e te pāti te whakapakari, te whanake hoki i tā rātou tira kaiārahi hōu.
I kuhu tuatahi atu a Davis ki rō Pāremata i te tau 2008 hei mema rārangi a te pāti Reipa. Nō te tau 2014 kua noho ia ki te tūru o Tai Tokerau.