October 25, 2023
Tauranga Moana – Ngā Riri Whenua – Hei tiaki i ngā iwi i te tuatahi
E whakahihi ana ngā iwi o Tauranga Moana i tō rātou manaaki i te kaupapa o Te Pūtake o te Riri hei maumahara ki ngā riri whenua katoa o tēnei whenua.
Koia ngā whakaaro i a Josh Te Kani, upoko o te kōmiti whakahaere o Rā Maumahara ki runga o te pā o Pūkehinahina, hei tāna kāore i tū astu i te tiaki i ngā iwi maha i tae mai ki te whakarangatira i ō tātou mate o tuawhakarere.
“Hei nohonga mā wēnei o ngā iwi i tae mai me te tini me te mano ō rātou. Te Tai Rāwhiti i konei, Taranaki mounga i konei, arā ko ngā maramara o Te Tai Tokerau i tae mai ko te tāwharautanga o Mātaatua tēnā, ko te korikoritanga katoa o ngā iwi o Mātaatua i tae mai, ko Tainui waka anō i tae mai nō reira koinā tō mātou mahi tuatahi rā kia manaaki i ngā iwi tuarua mai kia manaaki i te hapori whānui i tae mai ki runga ki tō mātou pā.”