November 03, 2022
He raraunga nō Apanui, he taonga mā Apanui
Mā Te Whānau-ā-Apanui ngā raraunga mō ana uri e kohikohi. Koirā te kī a te tumu whakarae o te iwi, a Rikirangi Gage.
Ā tērā tau, whakarewa ai tētehi taupānga kore utu, ko Apanui App tōna ingoa, hei kohikohi rarauranga e pā ana ki te āhua o te iwi. Hei tā Gage, i ahu mai te whakaaro i te mōhiotanga ka noho ngā raraunga mō te iwi ki ngā tari o te kawanatanga. E hiahia ana ki te iwi ki te pupuru i a rātou raraunga kia mōhio e pēwhea ana te āhua o ana uri, ā, mā konā e whai ai te mana motuhake a-raraunga.
Hei tā Gage anō, ā te Maehe, tukua atu ai a Apanui App ki nga toa taupānga, ā te wa e tū ai te tatauranga a-motu. Ka tukua ki Tatauranga Aotearoa tētehi kape o te huihuinga raraunga ka kohia e te taupānga.
Whakarongo ki te katoa o te uiui ki a Rikirangi Gage