Listen Now: 
October 25, 2023
Nāhinara – Ka whakahōu tonu rātou i te hōhipera i Whangārei
Waatea Team
Posted On October 25, 2023
E whakapono ana te mema o Nāhinara e hoki ana ki te whare pāremata mō te rohe pōti o Whangārei ka whakahōungia e rātou o Nāhinara te hōhipera mā ngā iwi o taua rohe.
Koia te kōrero a Shane Te Reti ki tō mātou hōtaka o Pākiwaha i te ata nei. Hei tāna ka whakapaua e rātou he pūtea e $795 mirona tāra te nui.
I puta ēnei kōrero āna whai muri mai i ngā heitara a tētahi kaimahi hauora ohotata, i te rongotanga atu e kore e ea i ā Nāhinara ngā mahi whakahōu i te hōhipera o Whangārei i ngā tau e toru kei mua i ā tātou.
Engari e ai ki a Te Reti, kei te hē ēnā whakapae hei tāna ka haere tonu ngā mahi whakahōu i te hōhipera o Whangārei ā kō kō ake nei, heoi anō ka ono tau te roa ki te whakatikatika i te hōhipera o taua rohe mai i te wā ka tīmata aua mahi.
RELATED NEWS
