Kua whāki te kaitōrangapū o Reipa a Willie Jackson ka noho ia ki te Whare Mīere mō ngā marama e ono kei te heke mai – heoi, ā muri ake i tērā, kāore āna whakamahere.
Hei tā Jackson, he hononga ōna, he pūkenga ōna e whai take ana i te ao tōrangapū, nō reira e hiahia ana ia ki te āwhina i te Pāti Reipa ki te waia ki tana tū hei Āpitihana, ka tahi. Ka rua, mēnā ka tīmata te kāwanatanga hou o Nāhinara ki te whakakore i ngā kaupapa here a Reipa e pā ana ki te oranga tonutanga o te iwi Māori, kei reira ia ki te whakangungu i aua kaupapa.
Hei tā Jackson anō, kāore ia i uru atu ki te whare Pāremata ki te tū hei mema o te Āpitihana, heoi e mārama ana ki a ia he haepapa tōna ki te iwi huri noa i te motu.
