October 25, 2023
Kaua e mataku i te tākuta: Tūroro hā tū
E te iwi, kaua e whakamā ki te kite i tō tākuta mēnā e whakaaro ana koe kei te raru tō tinana – ko te hauora te mea nui.
Koira nei te kī a tētahi tūroro moe hā tū, a Rupene Epiha, whai muri i tana kitenga he ora anō kei tua i te mate nei. Hei tāna, kua 10 tau i whakaparau ia i tana raru, heoi whai muri i tana haere ki te tākuta kotahi marama ki mua me te whiwhinga o tētehi mīhini moe, kua whakapiki rawa atu te kounga o te ora.
Hei tāna, “… ko te whakamā i te whakaaro ka mea atu te tākuta, ‘Āe, he mate tāu’, me te whakamā, pea, o te kawe i taua mate hei label, pea, mō ā muri ake. Koia pea te whakamā i tae mai ki ahau, te whakaaro o te kawe mīhini ki te marae, ēnā āhuatanga. Ka nui pea te whakamā – i mua.”