Listen Now: 
Download AudioE pōwhiri ana a Te Kohe Wānanga Reo ki ngā uri o Hokianga whakapau karakia kia kotahi atu ki te marae o Pakanae, he wānanga reo Māori te haere ake nei.
Hei tā te kaiwhakahaere i te kaupapa, hei tā Angel Harding, he wānanga utu-kore tēnei, ā, e tuwhera ana ki ngā taumata reo katoa, mai i te tore kai huruhuru ki te mātanga. Atu i te 10 o Noema ki te 12 o Noema tū ai te wānanga nei.
Tāpiri atu ki tērā, ka whakaakona te karakia me te karanga, ā, ka wātea te rongoā Māori ki ngā tauira.
Hei tā Harding anō, mā te ngahau e puāwai ai te reo me te tikanga ki ngā tauira i te wānanga nei.
“Ka tae ngā ākonga ki te whakangāhau i te reo, ki te ako i tō tātou reo i te kāinga, ō tatou waiata i te kāinga, me ō tātou tikanga. E pai ake ana [kia mahia] i te kāinga.”
RELATED NEWS
