Mā te whai wāhi atu ki te kapa haka e whakaatu ai te tamaiti i tōna mana.
Koia te kōrero a te Pou Māori o Te Kura Tuarua o Ngā Tamatāne o Ururoto, a Johnny Waititi, whai muri i te tū o te whakataetae kapa haka kura tuarua, a Te Ahurea Tino Rangatiratanga, ki reira i te Rāhoroi.
Hei tā Waititi, i rawe te tū a ngā kapa, 20 te katoa, ā, nā Ngā Puna o Waiōrea te whakataetae i toa. Ko Te Kura Māori o Nga Tapuwae i tuarua, ā, ko Te Kura Tamawāhine o Tāmaki Makaurau i tuatoru.
Hei tā Waititi anō, ko te aronga matua o te hui ahurei kia hāpai i te mana o te tamaiti.
