September 26, 2023
Tono atu, kaituhi mā!
E ākina ana ngā kaituhi Māori e tuhituhi ana i te reo Māori me te reo Pākehā ki te tono mai, ki te tū te ringa hoki kia noho ki te Whare Kaituhi o Mikaere Kīngi i te maunga o Takarunga i Tāmaki Makaurau.
E ai ki te kaiwhakahaere o te whare tuhituhi a Mikaere Kīngi, ki a Jan McEwen, ko te whare nei he wāhi haumaru, he hāneanea hoki kia kōkiri whakamua ngā kaituhi i ā rātou tuhinga auaha, tuhinga pono hoki.
Hei tā McEwen, e rua ngā momo noho: mā te mātanga kaituhi, ka tahi, ka rua, mā ngā kaituhi kātahi anō tā rātou huarahi hei kaituhi kia tīmata. Mō ēnei punua kaituhi, kua tāia tētehi kōrero ki tētehi pukapuka, ki tētehi maheni rānei. E rua wiki, e ono wiki rānei te roanga o ngā noho, ā, ka utua ngā kaituhi katoa ki te mahi.
Mō te roanga ake, tirohia te pae tukutuku writerscentre.org.nz. Hei te 2 o Oketopa kati ai te wā tono.