March 23, 2022
Te Korimako | Bobby Lee Waru- 14/03/2022
March 14th Ata
Ko te whakaorangatanga o te kaitiakitanga te kaupapa nui mō te Iwi- Kua whakaritea e te Iwi o Uenuku i tētehi māhere rautaki kia whakahokia mai ngā manu pērā i ngā kererū, te kākā me te tītī ki runga i tētehi motu iti e noho kainamu atu ki te taha uru o te wao nui o Tongariro Ko te rua mano e whitu rau heketea te rahi o tēnei ahuru manu Katahi anō ka whakapāhōtia e te minitā tiaki a Kiri Allan i te rahi o te putea tautoko mai i a kāwanatanga o te kotahi ira iwa tekau mā rua miriona tāra mō tēnei kaupapa whakahirahira Mō ngā tau e ono kua whakapaukaha ana te Iwi nei kia hangaia tēnei motu atawhai o Pōkākā Ko ngā tūranga mahi, me te whakahokinga o ngā manu tūturu te kaupapa nui mō te IwiHuihuia tuituia mai tātau tāne mā kia whakahoutia te reo ō whaikōrero. Tū hāpainga rā ko te kupu, tū hikitia rā ko mana me te wehiwehi o tō māoritanga, kia tūātea, kia tū maia, kia tū tangata ai tātau ngā uri whakatupu Koinā ngā kōrero arataki mō te wānanga whai kōrero e whakahaerehia ana e te Iwi o Ngāti Rangi mō ōna uriKua whakaritea te Iwi nei i ētehi wānanga ki runga i te ipurangi Kei te huitopa nei ko ngā kaupapa e aro atu ki te pao, te ruruku, ngā tauparapara, ngā ngeri ki roto i ngā whaikōrero me ngā wheako kia whakaharatautia ngā whaikōrero ki waenganui i te hunga i whai wāKo te mātanga reo nō te Iwi rā ko Che Wilson te kaiako mō ēnei wānanga Kei te whārangi ipurangi o Ngāti rangi te roanga ake o ngā kōrero Tuia te muka tāngata i raro i te whakaaro kotahiEhara ko te ingoa noaiho te tihi o te kaupapa nui o te whare hāhi, ko tōna āhua anō hoki he kaupapa whakahirahira He wawata tā Jay Ruka mangai mō te whare hāhi o Taranaki ki Ngāmotu kia kitea atu i te whare hononga he whare e tuitui ai te muka tāngata i raro i te whakamarumaru o te rangamārie me te maungārongo pērā i ngā rāranga ki runga i ngā pakitara o te whare Ko te whakatūtū tētehi o ngā whakahōunga ki runga i te whenuaKa kawea te whare hononga ngā kōrero o te hapū o Ngāti Te Whiti I tēnei wā kei te mahi e te hāpu nei ki runga i tētehi whakaaturanga ko He Tohu e whakaherehia e Te Puna Matauranga o AotearoaHe whakaaturanga tēnā e aro atu ki Te Tiriti o Waitangi, He Whakaputanga me te pukapuka inoi mō ngā wāhine whakapāwera