September 21, 2023

Ka tū te kaupapa o ‘Nui te kōrero’ ki Ngāmotu ā te 28-29 o Hepetema

Pohaturoa Waenga Posted On September 21, 2023

Pohaturoa Waenga Haniko Kurapa

Ka rewa ake te kaupapa o ‘Nui te kōrero: He reanga hou, he whakaaro hou’ i tōna pae ā te 28 ki te 29 hepetema ki Ngāmotu.

E ai ki a Haniko Kurapa Kaiwhakahaere i ‘Toi Aotearoa he kaupapa tēnei e whakakotahi nei i ngā tohunga i te ao toi whānui ki a noho tahi ki te whāngai atu i o rātou mōhiotanga i ngā take o te wā mā te ara o Toi.

“He kaupapa whakahirahira tēnei mō te ao mahi kei te mahi tahi a ‘Toi Aotearoa’ me te ‘Kotahitanga o Te Ātiawa’ ki te whakakao i ngā kaikōrero pēnei i a Pania Newton a Hinekaa Mako me te titiro o ēnei tohunga ki tēnei mea te hautūtanga i ngā iwi taketake me te āhuatanga me te panonitanga o te āhua o ngā rangi”.