September 17, 2023
Ehara i te ‘Tattoo’ te moko, he taonga tuku iho kē
I ngā wiki tata nei i panaia tētahi tāne mau moko i tētahi pāparakāuta i Ahitereiria, ko te take i panaia ia ko tōna moko kanohi.
E ai ki te Mātanga Tāmoko e ai ki a Joni Brooking me panonihia ngā tūkanga me ngā kaupapa here kei ngā wāhi tūmatunui pēnei ki ngā whare kai, ngā pāparakauta hoki kia mōhio ai rātou he rerekē te ‘tattoo’ i te moko.
“He moko te moko, he ‘tattoo’ te ‘tattoo’, he tatau te tatau he taonga tuku iho ā tātou whanaunga o ngā moutere he rerekē, he aha i rerekē ai? Ko te Mokopapa he tohu heke tuku mai i ā tātou tipuna, kei roto i ngā tohu he whakapapa he mātauranga he hītori he pūrākau he kōrero e pā ana ki te kaiwhiwhi”.