September 13, 2023
Te Tiger Woods o Taneatua – Bayleigh Teepa-Tarau
I toa whakaihuwaka a Bayleigh Teepa-Tarau i ngā whakataetae hahaupōro i ‘Zespri AIM Games’ i tū ki Tauranga i ngā rangi tata nei. Ahakoa he tauhou a Bayleigh ki ngā mahi hauhaupōro i puta tōna ihu i te whakataetae rā hai toa.
Hai tā te Tumuaki o Te Kura o Taneatua hai tā Mariana Gordon i tūmeke katoa te kura otirā te hapori ki te toanga a Bayleigh ko tētahi o ngā ingoa kārangaranga kua tau iho ki a ia ko ‘Te Tiger Woods o Taneatua’.
” Āhua ohorere, i whakaaro au he tamaiti kaha ia ki te tākaro whutupōro te tākaro poiuka ērā atu o ngā mahi engari ko tēnei te korowhā he tākaro hou ki ngā tamariki ki ngā kaiako hoki engari i runga i tōna hiahia nā runga i tōna pāinga mō tēnei momo tākaro kua puta ngā pāinga ēnei ki runga i a Bayleigh”.