September 07, 2023
Kāore a Reipa e whakaturehia te reo hei whakaako i ngā kura katoa
Kua whakatauhia e te kaiārahi i te pāti Reipa, ka kore rātou e whakaturehia kia ākona te reo Māori ki ngā kura katoa o te motu.
Koia te kōrero a Chris Hipkins i tētahi tū pāpāhō, heoi hei tāna, ka whaia tonu kia pai te tuku o te reo ki ngā hunga e hiahiatia ana ki te ako.
I ngā tau e toru kua taha, kua whanakehia e te kāwanatanga ētahi whainga reo hou, pēnei i te whakarite mahere whakaako i ngā kaiako ki te whakaako tika i te reo, kia ngāwari ake hoki tā rātou noho ki ngā karāhe.
Hei ta Hipkins tonu, e tika ana kia whakaakongia ngā tumu o te reo, ki nga taitamariki tonu, ā, e whakahīhī ana ia i te tokomaha o ngā tauira kura tuatahi e mārama ana ki te kaute i te reo, e mārama hoki ana ki ngā tae me ngā pū.
Hei ta Hipkins ka nui tana tautoko ki ena āhuatanga, ka mutu, ko te aronga nui ināeanei, ko te whakawhānui ake i ngā kura rūmaki reo.