Listen Now: 
Download AudioKua whakaingoahia e te kaunihera ā-rohe o Ngāmotu ētahi Toa Hapori, ā, hei tā tētahi o ngā kaiwhiwhi, i tumeke katoa ia i tana whakaingoatanga. Koia te kōrero a te kaumatua o Taranaki a Hoani Eriwata mō tana whiwhi i te tohu nei, i tuku ki ngā tekau mā rua tāngata o te rohe mō ā rātou mahi tautoko i te hapori.
I whakanuia a Eriwata mō āna mahi hei kaiako, hei kaihītori, hei poutikanga, hei pouahurea anō hoki mō āna hapū i te raki o Taranaki. Hei tā Eriwata, kāore ia i te whakapono i te wā i mea atu tētahi ki a ia kua whiwhi tohu ia.
“I te āhua ohorere. Kāore au i te tino mōhio,. I rongo ahau, i kōrero tētahi ka whiwhi tohu, engari tino ohorere au.”Tokorua ngā kaiwhiwhi tohu Māori, ko Eriwata, rāua ko Hone Tipene. I whakanuia a Tipene mō āna mahi tuhono i āna kaimahi Māori ki tō rātou mana motuhaketanga.
