Mā te kapa haka e pūkauri ai te ahi kā o te marae

Waatea Team Raiha Huata

Download Audio

Mā te kapa haka e pūkauri ai te ahikā o tēnā marae, o tēnā marae i Ngāti Kahungunu.

Koia nei te kī a Raiha Huata, māngai mō te hui ahurei o Hakanuia ka tū ki te Kura Kaupapa Māori o Kahungunu i Heretaunga ā te tuarua o Tīhema.

Hei tāna, whai muri i te whiu kino a huripari Gabrielle ki ngā hapori o te rohe, he rongoā te hokihoki atu a ngā tāngata ki ō rātou marae whakaharatau haka ai, ngahau ai.

“He kaupapa tēnei e wātea ai ngā uri te hoki atu ki ō rātou marae ki te tutungi, ki te ngingiha i te ahi kia kore ai e pūrēhua, kia kore ai e mātao. Ka rua, he kaupapa e wātea ai ngā marae ki te whakakotahi i raro i te maru o ngā mahi hakahaka, ki te whakatairanga i ōna kōrero tuku iho.”

RELATED NEWS

Peters calls taihoa on statue purge Whanau reo focus for Matawai fund He tākoha motuhake