August 11, 2023
Kāore i tua i Te Reo ki Tua!
Kei tōna tau tuwhitu, kāore tonu he hui reo pēnā i te hui Te Reo ki Tua, i tū ki Heretaunga i tenei wiki.
Koia te kōrero a te heamana o Ngāti Kahungunu iwi a Bayden Barber, muri mai i te whakatūwheratanga o te kaupapa i te Taite.
Hei tā Barber, he kaupapa ia e whakakotahi ai ngā mātanga reo o te motu ki te kōrero i ā rātou whēako ki tēnei mea te whakarauora i te reo Māori.
“Ehara i te mea nā mātou te kaupapa nei, nā te motu te kaupapa. Nō reira ko ngā mātanga reo nō ngā iwi katoa o te motu kua haere mai nei ki te takoha ētahi kōrero mō te whakarauoratanga o te reo te take. Nō mātou te whiwhi kua tū ēnei momo hui ki konei heoianō, ko te aronga nui ki ngā iwi katoa, ki ngā waka katoa o te motu haere mai, haere mai ki te kōrero tahi, ki te wānanga tahi, ki te whakakoakoa tahi.”