April 18, 2023
He kaitono tokorua nā Nāhinara i ngā tūru Māori
Kua rua tekau mā tahi tau nō te wā whakamutunga i tū ai he kaitono Nāhinara ki tētahi tūru Māori, ā, hei tā te heamana o Kahurangi Blue, arā, te rōpū tautoko Māori o te pāti, a Tuwhakairiora Williams, kāore he painga i tua atu i tēnei whakataunga ā rātou.
Nonahi whakaingoa ai a Harete Hipango rāua ko Jo Hayes hei kaitono ki Te Tai Hauāuru.
Hei tā Williams, ahakoa e rua noa iho ngā kaitono i tēnei wa, he tīmatanga noa tērā.
“Ko te whakaaro i tēnei wā, nā te mea he roa te wa i tū te rōpū Nāhinara i roto ngā tūru Māori, me timata, i te tuatahi, ki te āta haere mātou ki te whai atu i ngā tūru. Nā, i runga i tērā whakaaro, ana, ka whakatau te rōpū Nāhinara me tū i roto i ngā tūru e rua mō tēnei kōwhiringa pōti.”