August 12, 2013
Ngā whakaritenga mō te hamuti
Kei te hopu te hamuti tangata ō Whakatane ki roto i ngā hopua e whā ki Pupuaruhe hei reira ka whakaaweawe i ngā hamuti kia tango i ngā kino ka mutu ka punaha atu te wai whakaawe ki Te Moana-nui-ā-Toi i tua atu i Piripai kia ono rau mita ki waho ō te moana.
Engari kei te pupū ake tētahi raru nui tā te mea ka te matemate haere ngā ngārara e whakaawe ana i te hamuti tangata nō reira ka pupuri te hamuti tangata i tōnā tūturutanga kia maro tonu.
Otirā, te whakaaro ō Te Kaunihera ō Whakatane kia tū ai tana kaupapa whakaranuranu toenga otaota i tērā taha ō Pupuaruhe kia tango aua hamuti tangata kia whakahuri hei one matua ki roto i ngā mara kai, mara puawai, otirā hei whāngai i ngā mara otaota hei kai mā ngā kararehe.
Engari kia kamakama te hāpori kia whakaae ki ngā kaupapa ā Te Kaunihera ō Whakatane koi huri te whenua hei wahi tikotiko tangata.
Copyright © 2013, UMA Broadcasting Ltd