August 02, 2023
Ko te atamai hangahanga me te hauora hinengaro ko te kaupapa
Mā hea e tuitui ai te mātauranga Māori ki te atamai hangahanga hei hāpai i te hauora hinengaro o te iwi Māori? Koia nei te kaupapa e wānangahia ana e te mātanga ahurea a Pouroto Ngaropō ki tētehi hui ki Hingapoa ā te Māne.
Ka whai wāhi atu a Ngaropō me ana hoamahi rangahau nō Te Wānanga Aronui o Tāmaki Makaurau ki te Hui ā-Ao mō te Atamai Hangahanga i te Mahi Rata. Ko tētehi aronga o te hui nei ko te whakamahinga o te atamai hangahanga kia matapae ai pea i ngā raru ā-hinengaro.
E ai ki a Ngaropō, kia “Mā roto i ngā whaikōrero, mā roto i ngā karanga, mā roto i ngā mahi whakairo, te aha, te aha, kei reira kē ētahi rongoā hei āwhinatia i te taha hinengaro, hauora, ko tā te mātauranga Māori. Ka tino harikoa ahau, ka hihiko katoa tōku ngākau. E hiahia ana au ki te whakarongo, e hiahia ana au ki te kite ā-kanohi nei i ngā whakakitenga me ngā rangahautanga kua oti nei i a rātou i reira. Ākene pea kei reira ētahi whāinga hei painga mō tatou.”