June 28, 2023
Ka hoki a Taikura ki Pōneke
Ko te taiopenga kaumātua kapa haka o Taikura he āhuatanga e taea ai e taipakeke mā te whakapakari i nga tahataha o tō rātou whare tapa whā.
Koia te kōrero a te kaihautū Māori o Te Papa Tongarewa, a Arapata Hakiwai, i mua i te tū o te kaupapa nei ki te Papa Tongarewa hei te mutunga wiki e tū mai nei.
Nā te rere haere o te kowheori i ngā tau kua taha ake nei i haukoti ai te kaupapa, heoi, i tēnei tau, ka kite i ngā kapa 15 me ōna kaumātua e 500 e whātoro ana i ō rātou tinana.
Hei tā Hakiwai, me kaha ake tātou ki te āta hāpai i ō tātou kaumātua, ō tātou kuia anō hoki. Hei tāna anō, “Ko te tino pai ki a au nei, ko te oranga wairua, ko te oranga tinana, ā, koirā tā tēnei mea. E pai ana nei, e tika ana nei, kia tiakina nei ō tātou tamariki mokopuna, heoi anō rā me tiaki, me manaaki ō tātou pakeke, kaumātua.”