June 18, 2013
He mate kino
Nui atu te hunga e mate ana i ngā wharanga roro ia tau i ā rātou e mate ana i te mate pukupuku e tā Iain Watkins heamana ō Brain Injury Association Northland.
E patu wahangu tēnei e tāna.
Ko tēnei te marama hei whakawhanui i te mōhiotanga mō tēnei tūmomo mate, e tā Watkins ko te tūmanako kia whānui atu ō te mōhio mō tēnei mate.
Nā runga rangahau i te tau ki muri, i kitea tērā ia tekau mā rima meneti, e raru ana te roro ō tētahi ki Aotearoa nei.
Ehara hoki tēnei i tētahi mate e mōhio whānuihia ana, he tapiri atu ki tērā, kahore i te nui ō roto hapori i te tuku pūtea he āwhina i te whara roro.
Nā tētahi rangahau te kite, ko ngā mōmō hinga, te aituā waka huarahi mē te whāwhai te nuinga ō te wharanga roro.
Engari e tā Watkins ko te Mate Ikura Roro, arā te stroke tētahi ō ngā raru mō te roro.
Ētahi ō ngā tohu kua whara te roro ko te kaha ō te ngēngē, te raru mahara, te rewha, te hirori engari kia kaua e puritia ko ēnei anake ka tau i te raru te roro.
Copyright © 2013, UMA Broadcasting Ltd