June 22, 2023
He rite te mahi, he rerekē te utu: Reweti Elliot
Ahakoa te whakataunga a te kāwanatanga me te rōpū o Te Riu Roa ki te whakapiki i ngā utu ki ngā kaiako kei ngā kura kōhungahunga o te motu, ko te mate kē ka whakakaha ake te whakataunga i tētahi atu raru.
Hei tā tētahi kaiako kura kōhungahunga i Kawerau, hei tā Reweti Elliot, ko te mate nui inaeanei ko ngā taumata utu rereke ki waenga i ngā kura e whai putea tautoko ana i te kāwanatanga me ena e whai putea ana i te rangai tuamataiti. Hei tāna, ahakoa he rerekē te utu ki tēnā rāngai, ki tēnā rāngai, he ōrite tonu ngā mahi ka tutuki i ia rā.
Hei tā Elliot kāore tērā i te tika.
“Ko te raru kei waenganui i tō tātou whare kōhungahunga, e hia nei ngā rāngai tūmataiti me te rāngai tūmatanui. He rerekē tērā, tētahi ki tētahi, me te utu anō hoki, heoi, ko te raru, he ōrite ngā mahi, he ōrite te tiwhikete, he ōrite ngā tatauranga o tō tātou whare kōhungahunga, nō reira ko te raru o tērā, e pēhea te kawanatangae āwhina i era e noho ki roto i ngā rāngai tūmataiti…”