March 22, 2023
He ingoa hou: Ōtākou Whakaihu Waka
Kua panoni te ingoa me te tohu o Te Whare Wānanga o Ōtākou ki tētahi ingoa Māori.
Ko Ōtakou Whakaihu Waka te ingoa hou kua tapaina ki te whare wānanga. Hei tā te māngai o Te Rūnanga o Ngāi Tahu, hei tā Paulette Tamati-Elliffe, e whakanui ana te ingoa i te ingoa tawhito o te rohe, ā, e tohu ana ia i te nui o ngā ahurea ka tau ki reira ki te ako.
He tāna, “Nā reira, ko taua ingoa Ōtākou, he awa moana kei roto i te whanga o tātou. Ki ngā tīpuna he awa e kawea mai ngā waka. Nā reira, i te whakaaro mātou he tika tērā te tini mano o ngā waka kua taetae mai ki tēnei whenua, mai i te taenga mai o ō tātou tīpuna o Waitaha, o Kāti Māmoe, o Kāi Tahu, waihoki ko ngā tīpuna Pākehā kua taetae mai, ka mutu ko ngā tāngata katoa o te ao.”