May 03, 2023
He tohu hirahira ki a Wally Penetito
Whāia te iti kahurangi, ā, ina angitu koe, me huri koe ki te āwhina i ētehi atu kia angitū anō hoki.
E ai ki a Darrio Penetito-Hemara, koia nei te pepeha, koia nei te mahi mai rā anō a tana koroua a Ahorangi Wally Penetito.
Kei te kōrero a Darrio whai muri i te whakawhiwhinga ki a Wally i te Tohu Whare Pūkenga nā Ngā Rangatira ā-Iwi, he tohu e whakarangatira ana i ngā tāngata kua whakangako i te oranga o te katoa i Aotearoa.
“Ko tētahi o ngā tino kōrero a tōku koroua, mehemea ka whakaarohia koe he kaupapa rangatira hei whakahaere, me mahia. Mā tō whānau koe e akiaki, mā tō whānau koe e tautoko, mā tō iwi. Ko tāna ki a mātou kia whāia te iti kahurangi, mē kī. Koia tēnā kua tae ki tōna ake taumata, ko tō mātau ināianei te ikiiki, te mauria mai āna mokopun ki taua taumata ināianei. Nō reira, ahakoa kua tae ki te tiwhikete, kua tae atu koe ki te taumata, ko tana hiahia kia pērā tonu te āhua o ana uri.”