May 02, 2023
Ko te hākinakina tamariki te take o Te Kīwai
Ko te kaupapa matua o te puna pūtea a Te Kīwai kia kaua ngā whānau e mate i te utu i ngā nama hākinakina, e whakakore pea i ngā haerenga nā te kore pūtea.
Nō ngā tau e rua kua hipa, kua horahia e Whānau Ora he pūtea tautoko ki ngā whānau e kori ana te tinana, ā, e puta ana ki te hākinakina, i Te Wai Pounamu. Kātahi anō ka tuku pūtea hou hei whakaroa i te kaupapa.
Hei tā Hikairo te Hae, Pou Whakaaweawe o te Pūtahitanga o Te Wai Pounamu, he mea tautoko i ngā mahi hauora Māori hoki, pēnei i te kapa haka.
“Tokomaha ngā tamariki kei raro e putu ana, nō reira mēnā ki te pērā, ko te tuatahi me whāngai atu i ō tamariki, i ō pēpi. Nō reira, koia nā te whāinga o te kaupapa Te Kīwai nei, hei whakapiriti, me kī, i tērā ā-puta.”
Mō te roanga ake o te kaupapa, tirohia te pae tukutuku o Te Pūtahitanga ki konei.
Tirohia te uiui katoa ki konei.