May 02, 2023
He wheako hou, he wheako whakahirahira
Katahi anō ka tū te whakataetae pā pōro o te Moana o Tāwhaki, (arā, te Trans Tasman Series) ki a Ahitereiria, ā, ahakoa kāore ō tātou kapa o Aotearoa i eke ā-wikitoria nei, i tino eke rātou ā-whēako.
Koia rā te kōrero a te kaiako matua o te kapa ranu o Aotearoa, a Hika Pene.
Hei tāna, neke atu i te 30 te tokomaha o ngā kaitākaro i te tākaro i tēnei reanga mō te wā tuatahi, ā, he whēako nui tēnā i mua i te tū o te whakataetae kapu o te ao hei te Hune.
“Ko te hua nui pea o tēnei haerenga, he 12 ngā kaitākaro hou, ngā tauhou ki tēnei taumata e kīia ana ko ngā debutantes i roto i tō mātou kapa. Ko te kapa wāhine he 14, ngā debutantes te kapa tāne āhua 7 o rātou. Nō reira, he tino tauhou ngā kapa e toru ki tēnei o ngā taumata”.