April 26, 2023
He whare tākihi hou ki Taranaki
Ko Te Huhi Raupō he ingoa e whakarite ana i te āhua o te whenua o mua, ki te āhua o ngā tūroro ka tae atu ki te whare tākihi hou ki te Hōhipera o Taranaki.
Koia te kōrero a te Tumu Whakarito i te Rūnanga o te Kāhui o Taranaki, a Wharehoka Wano.
Hei tāna, i tapaina te ingoa ki te hōhipera rā nā runga i te tuwhai āhua i noho ai te whenua i ngā rā o mua me tana rite, ki tana whakamahinga inaeanei.
“Nā, pērā i te raupō, i te pupuhi o te hau ka piko te raupo, kātahi ka tau a Tāwhirimātea ka tū ano te raupō. Nō reira, koirā te āhuatanga o te tūroro. Ka uru atu ki roto i te whare kua mauiui, anā, ka whai tana rongoā, ka tū anō.”