June 15, 2023
He kura huna ināeanei, he whēako āpōpō: Whakataetae Kapahaka Kura Tuarua o Te Arawa
Ko te manako nui, kia tupu te hiahia ki ngā tamariki kia tū hoki rātou hei kaiarahi, hei kaiako i ō rātou ake rōpū, i ō rātou ake kapa ā tōna wā.
Koia te kōrero a te kaiako kapahaka o Te Kura o Te Koutu ki Rotorua, a Maiau Houltham, i mua i te tū o ngā kura tuarua o Te Arawa rohe ki te papatūwaewae ā te Paraire. Hei tā Houltham, ko tana tino moemoea kia tino kite ai ā rātou tamariki i ngā hua nui o te ao kapahaka.
“Kia whaia tonutia rātou, kia kaua hoki e mutu tā rātou ara kapahaka i konei i te kura noaiho, ko te manako ia. I te mea koina tētahi o aku tino hiahia hei kaiako kapahaka kia haere tonu atu rātou, ko taku tino hiahia kia whakawhanake i wēnei tamariki kia rite rātou hei kawe i ngā kapa pakeke a tona wa”Tēnā, whakarongo ki te uiui katoa ki konei.
Ka pāhotia mataorahia te whakataetae ki te wharangi pukamata a Aukaha News