April 12, 2023
Kua eke a Prime ki te Rūnanga Minita
Kua whakapiki ake te Minita Rangatahi a Willow-Jean Prime ki te Rūnanga Minita, arā, Cabinet o te kāwanatanga.
Nō te pō rā puta ai te pānui nei i te Pirimia, a Chris Hipkins, whai muri i te haukotitanga a tō Stuart Nash kirimana i tēnei wiki mō āna mahi tohatoha haere i ētahi kōrero matatapu a te Rūnanga Minita.
Hei tā Minita Prime, he hōnore nui tēnei mōna, me tōna whānau.
I kī tonu a Prime kei te ū tonu ia ki ngā whāinga i whāia e ia i tana kuhunga tuatahi atu ki rō Pāremata.
“Taku hiahia i te wā i uru ahau ki te Whare Pāremata, kia kaha tōku reo mō Te Tai Tokerau whānui mō ngā kaupapa maha e pā ana ki Te Tai Tokerau, arā, ko te kore whare, ko ngā mahi whai mahi, ko nga tūmanako, nga wawata o ngā rangatahi, ko te tiaki o te taioao … koirā tonu aku whāinga i roto o aku mahi.”