January 17, 2023
Smear your mea, wāhine mā!
Smear your mea, wāhine mā. Koia nei te karere e kawea nei e tētehi tira eke paihikara i a rātou e haere ana i Pōneke ki Tāmaki Makau Rau ā tēra marama.
E ai ki te māngai mō te tira, e ai te mema Pāremata o mua, a Te Ururoa Flavell, ko te whāinga o te haerenga kia anga whakamua te mahi hāpai a te kaihaka rongonui a Talei Morrison i mua i tana rironga i te mate pukupuku o te waha kōpū i te tau rua mano tekau mā waru.
Hei tā Flavell, ka tīmata te haerenga ā te tekau mā whā o Pepuere, ā, ka haere mā Te Awahou, Hunterville, Ohakune, Taupō, Kirikiriroa, Rāhui Pōkeka me Māngere. Whai muri i te waru tekau rau kiromita, ka mutu ki Ōkahu ā te 21 o Pepuere.
Mō ngā tipitopito, tirohia te whārangi Pukamata Smear your mea.