November 08, 2022
Pōti Pāerotanga, Kirikiriroa ki te Uru: Ko wai ka hua?
Ko te utu ora me ngā mahi hīanga ngā kaupapa matua kei mua i te aroaro a Tama Potaka, te kaitono a te Pāti Nāhinara ki te tūru o Kirikiriroa ki te Uru.
Ā te Tīhema tū ai te pōti pāerotanga mō te tūru i whakawāteahia e Tākuta Gaurav Sharma i tana rīhainatanga i te Pāti Rēipa.
Tokorima rātou kua kuhu ki ngā whiringa: Ko Sharma tonu, ka tu motuhake, ko Potaka, ko Georgie Dansey o te Pāti Reipa, ko James McDowell o te Pāti ACT rātou ko Naomi Pocock o te Pāti Oppotunities.
Hei tā Potaka, ahakoa Māori mai, Pākēhā mai, Āhia mai, Īnia mai, mō te pāinga ake o te katoa o Kirikiriroa ki te Uru te whāinga matua.