Listen Now: 
Hui Whakataunga Tiriti o Ngāpuhi
Kei te titiro a Ngāpuhi ki te whakataunga tono raupatu a Ngāi Tahu hei tauira whai mā rātou. I hui ngā rangatira o Tūhoronuku me Te Kotahitanga mo te wā tuarima i tērā wiki, ā, i reira hoki te Minita i ngā Take Tiriti a Andrew Little. I tae atu a roia David Tapsell ki te hui, ki te kōrero mo te tauira a Ngāi Tahu, arā, kotahi te Rūnanga, engari, he maha ngā papatipu rūnanga e whai waahi ana ki taua Rūnanga matua kia rangona ai ngā whakaaro o te katoa o te iwi, puta noa i Te Wai Pounamu.
Dan Bidois Tūru o Northcote
E kahurangi tonu ana te tūru torangapū o Northcote. I puta te ihu o Dan Bidois o Ngāti Maniapoto i te wero nui a te māngai mō Reipa, a Shanan Halbert o Te aitanga-a-Māhaki, kia noho tonu ai tēnei tūru ki a Nahinara. Heoi, i whakarāpopotohia te āputa i waenganui i a Nahinara me Reipa i taua tūru, i te rima mano pooti, ki te kotahi mano, toru rau, ono tekau mano pooti. Hei tā Halbert, ko tāna mahi inaianei, he whakapātaritari tonu i a Bidois kia tutuki i a ia āna oati i oatihia ai e ia i te wā o tēnei kōwhiringa pooti.
Piki Haere ngā Māori i ngā Kaupapa Hauora
Kei te harikoa katoa te Whare Wānanga o Otākou i te pikinga o te tokomaha o ngā Māori e kuhu ana ki ngā kaupapa hauora, e tū ai rātou hei tākuta, hei mātanga hauora rānei. Hei tā Ahorangi Peter Crampton, ko tētahi āhutanga hou pea e piki haere nei te kitea o ngā tauira Māori i aua kaupapa, ko te kaha ake o ngā whānau me ngā hapori ki te tautoko i tā rātou whai kia tākuta rātou.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2018, UMA Broadcasting Ltd: www.waateanews.com
RELATED NEWS
