Listen Now: 
Mahi Tahi Te Uru Rākau me Ngāti Rehia
Kei te mahi tahi te Manatū Ngahere hou e kiia nei ko Te Uru Rākau me Ngāti Rehia ki te whakawhanake i te kotahi rau, rima tekau heketea o te whenua o te iwi hei whenua ngahere. Kei Kerikeri te whenua, ā, hei tā te Minita i ngā Take Ngahere a Shane Jones, he maha ngā hua ka puta ki ngā uri o Ngāti Rehia ā tōnā wā, i tēnei ngahere. Kua hoatu te rua rau, waru tekau mā waru mano tāra ki te whakatō kauri ki tētahi wāhanga o taua whenua.
Rhonda Kite Tohu a te Kuini
Kei te whai hua ngā whenua o te Ao i ngā momo hangarau i waihangatia ki te āwhina i ngā iwi o Aotearoa. Koira tā Rhonda Kite, rakahinonga Māori i whai tohu a te Kuini inanahi. Ko ētahi o ngā rauemi a tana pakihi a Kiwa Digital, pēnei i te rauemi whakamāori kiriata, whakaū kupu hauraro rānei, kua kapohia ake e ngā umanga kiriata o tāwāhi. I tēnei wā, kei te āwhina a Kite i ngā iwi o te United Arab Emirates, ki te waihanga pukapuka mati mā ngā tamariki.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2018, UMA Broadcasting Ltd: www.waateanews.com
RELATED NEWS
