Reo rua ai ngā tohu ki Rotorua
E harikoa ana te māngai o mua mo te rohe o Te Waiariki a Te Ururoa Flavell, kua kite huarahi te Manatū Waka e reo rua ai ngā tohu e karapoti ana i a Rotorua. I kii te Manatū nei i te tīmatanga o te wiki, kaore e taea ngā tohu reo rua nei, engari, inaianei, kua kihirua.
50 tau o te Kaipuke Wahine ki Muritai
Kei te whakahaere karakia i te ata nei ki roto o Muritai i Te Whanganui-a-Tara hei tohu i te rima tekau tau kua hipa i te totohutanga o te kaipuke wahine. Hei tā te kahika o te rohe a Ray Wallace, he wā tēnei e hoki kōmuri ai ngā whakaaro o te hapori ki taua rā parekura, me te pānga mai o taua aituā ki te hapori. Hei tāna, mohoa noa nei, kei te rongo tonu ngā uri o te hapori i nga riporipotanga o taua aituā.
Ingoa Maori mo nga rohe pooti o Te Whanganui-a-Tara
E hiahia ana a Te Whanganui-a-Tara ki te whakatū ingoa Māori ki runga i ōna rohe pooti. Hei tā te kahika a Justin Lester, e whakapono ana ia ka pai tēnei kaupapa ki te hunga o te hapori. Ka tū te ingoa o Pukehinau mo te Lambton ward, Motukairangi mo te Eastern ward, Paekawakawa mo te Southern ward, Wharangi mo te Onslow-Western ward me Tākapu mo te Northern ward.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2018, UMA Broadcasting Ltd: www.waateanews.com
