March 25, 2018
3000 whare Kiwibuild ki Ōwairaka
3000 whare Kiwibuild ki Ōwairaka
E hiahia ana te Kāwanatanga ki te mahi tahi ki ngā iwi mana whenua ki te whakatū i te toru mano whare Kiwibuild ki te rohe o Ōwairaka, arā Mt Albert. I te marae o Te Noho Kotahitanga i Te Wānanga o Wairaka, arā Unitec, te minita i ngā take Whare a Phil Twyford, ā, hei tāna, kei te hoko rātou i te rua tekau mā iwa heketea whenua i te Kura Wānanga o Wairaka kia tū ai ēnei whare. Nā tēnei hokotanga, ka ara ake he wāhanga o te whakaaetanga ki waenganui i te Kāwanatanga me te Kāhui Iwi o Tāmaki Makaurau.
Whānau Ora ki waho atu i ngā hapori Māori
Hei tā te Minita Whānau Ora, me māhorahora te kaupapa whānau ora ki ngā iwi i waho atu i ngā hapori Māori. I haere a Peeni Henare ki te kurutetenga whānau ora i tū ki Wairau i te wiki nei, na Te Pūtahitanga o Te Waipounamu i whakatū. Hei tāna, e angitū ana te kaupapa, ā, kaore e kore ka whai hua ētahi atu whānau, ehara i te whānau Māori, i te kaupapa nei.
Kapahaka o Te Taitokerau
Ko Muriwhenua te kapa haka i toa i te whakataetae-ā-rohe o Te Taitokerau i Whangārei i ngā rangi whakatā nei. Ko te kapa haka o Hātea i tuarua, ko Te Puu Ao i tuatoru. Koinei ngā kapa ka haere mō te rohe ki Te Matatini ka tū ki Te Whanganui-ā-Tara ā tēra tau.
Poukai ki te marae o Simon Bridges
I hoki a Simon Bridges o Ngāti Maniapoto ki tōna marae ki Oparure i Te Kuiti inanahi, mo te wā tuatahi hei kaiārahi i a Nahinara. I reira te poukai inanahi, ā, hei tā Bridges, i haere ia ki tōna marae i te wā e tamariki ana, ēngari, kaore anō kia tae atu ki te marae mo te hia tau. I tōna tikanga, kia whakaeke ia i te marae i te taha o Kingi Tuheitia, ēngari, i te mutunga iho, i kī ngā kaumātua o Ngāti Kinohaku me noho ia i tō rātou taha.
Copyright © 2018, UMA Broadcasting Ltd: www.waateanews.com