Listen Now: 
Rautaki mō ngā tamariki pōhara
Kua whakapuaki mai te Kāwanatanga i ngā taipitopito mō tana rautaki e pā ana ki ngā tamariki pōhara. Hei tā te Peremia, a Jacinda Ardern, tekau tau te roa o te rautaki nei, ā, ko te rangahau me te ine i te pōharatanga o ngā tamariki ētahi o ngā pou o te rautaki. E ai ki ngā kōrero, he haurua o ngā tamariki kei roto i te pōhara e noho ana, he Māori
Te whakahē a Nuk Korako ki te pire peke waka
Koia te māngai whakawhanake Māori mō Nāhinara, ā, hei tā Nuk Korako, kaore ia i te paku whakaae ki te pire a te Kāwanatanga o Reipa e whai nei kia whakakorengia te tikanga e kiia nei ko te peke waka. Hei tā Korako, kaore tēnei pire e pai ana mō ngā kaitorangapū Māori, i te mea, ahakoa kei roto i ngā pāti o te pāremata, me whai wāhi tonu ngā kaitorangapū Māori ki te pooti ki ngā kaupapa e puta nei he hua ki te iwi Māori, ā, ki te mana tēnei pire, ka tangohia tēra āhuatanga i ngā kaitorangapū Māori.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2018, UMA Broadcasting Ltd: www.waateanews.com
RELATED NEWS
