Listen Now: 
Rangimarie Price mangai hou
Kua tohua tetahi o nga mareikura o Te Tai Tokerau a Rangimarie Price hei kanohi mo tatou o Aotearoa ki te hotaka whakahirahira e kiia nei, ko te Global Women in Management Programme. Ka tu te hotaka nei ki Washington DC a te mutunga o te marama nei. Ko Rangimarie Price te tahuhu rangapu o te Kahui Rangatira o Te Tai Tokerau, Te Kahui iwi o Amokura, me te Tarahiti Matuaranga o Te Tai Tokerau. E wha wiki te roa o te hotaka, a, ka aronui te hotaka ki te whakangungu i nga pukenga kaiarahi me nga pukenga matauranga o nga tauira
Nga tohu Matariki
Kua whakawhiwhia nga tohu Matariki ki nga taangata me nga roopu angitu o te ao Maori i te tau nei. I whakawhiwhia a te marae o Te Puea ki te tohu Hiwa-i-te-rangi mo tana manaaki i te hunga kainga kore. I tu te po Matariki i te ra mere i Te Paenga Hira.
Tono raupatu a Ngati Wai
E akiaki ana a Ngati Wai i te Karauna kia kimihia he ara e tau ai taa ratou tono raupatu, kua hia nei tau e taarewa ana. Ko tetahi o nga raru kua maarari te tono raupatu a Ngati Wai, ko raua tahi ko Pare Hauraki e whawhai ana mo te mana o te moutere o Aotea. Nei ra a Ahorangi Pou Temara o te Roopu Whakamana
Tautoko a Samuels ki a Peters
Kua tahuri te mangai torangapu o mua mo Te Tai Tokerau a Dover Samuels ki te tautoko i te karanga a Winston Peters kia pootihia e te motu te oranga tonutanga o nga turu torangapu Maori. Hei taa Samuels, e rua tekau ma rua oorau o nga kaitorangapu o te whare paaremata he Maori, no reira, e tika ana kia patai a Peters i te patai, ae ranei he take tonu o nga turu torangapu Maori
He hononga hou
E tika ana kia hono te RTM ki a One Pasifik. Koira taa Shane Taurima, kaitono i te turu o Tamaki mo te RTM. I whakahaere ngahau i nga rangi whakataa nei hei whakanui i te hononga o enei roopu e rua. Hei taa Taurima, kei te aronui tonu te RTM ki nga turu Maori, engari, ka whakatuu mangai no te roopu One Pasifik ki nga rohe e muia nei e nga iwi moutere
Mate whakamomori ki Taranaki
Kei teena rohe, kei teena rohe kei te ngaua tonutia taatou e te ngaarara o te mate whakamomori.Me te aha, he maha ngaa uauatanga hei tutaki atu maa ngaa iwi katoa o te motu.E ai ki a Nganeko Eriwata o Taranaki maunga, kei te whakakotahi ngaa iwi o te rohe, ki te kohi puutea hei patu i teenei taniwhaa
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2017, UMA Broadcasting Ltd: www.waateanews.com
RELATED NEWS
