Listen Now: 
Pehea ngaa whanau rawakore o Manurewa?
Kei te pakanga te mangai mo te RTM ki Tamaki Makaurau a Shane Taurima ki te Uepu Pakihi o Manurewa, ara, ki te Manurewa Business Association, ko te take ko te aro kore o te Uepu Pakihi o Manurewa ki te awhina i te hunga kainga kore o te rohe. Kei te kimi ara a Taurima e whai awhina ai te hunga kainga kore, ko tetahi o nga whakaaro, kia whakatuuria he ipu i nga haora o te awatea kia kore ai nga kakahu me nga paraikete o te hunga kainga kore e maaku, engari, hei taana, kei te whakahotaetae te Uepu Pakihi o Manurewa i taua whakaaro, me te maha noa atu.
Aotearoa Tuatahi ki tetahi atu moka o te motu
E whakapono ana te kaiarahi i te roopu Aotearoa Tuatahi a Winston Peters, ka taea e ratou te turu auraki o Te Tai Rawhiti te kaahaki i a Nahinara. I tenei wa, kei te Minita Whakahiato Ora a Anne Tolley taua tuuru, tekau mano pooti te nui o tana toanga i te kowhiringa pooti whakamutunga. Hei tenei wiki nei ka tohua e Peters he tangata hei whakataetae atu ki a Tolley.
Ka anga whakamua tetahi roopu toorangapuu
Kei te kaha te whakapono o Shane Jones ka angitu a Aotearoa Tuatahi hei te kowhiringa pooti nei. Kia whakarongo ake tatou.
Torutoru noa iho ngaa mangai o te wahanga maori
Kei hea nga manu tioriori reo Maori o te rohe o Whanganui. Koira te patai a Ruka Broughton, matanga reo no Ngaa Rauru. Hei taana he ruarua noa iho nga rangatahi i kuhu ki te wahanga reo Maori o te whakataetae manu korero i tuu ki te rohe o Whanganui i te wiki nei, me te aha, ko nga mea i uru ki taua wahanga, kaore i eke ki te taumata.
He waa hou mo Te Taura Whiri
He wa hou tenei mo te Taura Whiri i te Reo Maori i te whakatuunga mai o te ture reo Maori hou me Te Maataawai. Koira taa Ngahiwi Apanui, tahuhu rangapu o te Taura Whiri.
Me whakapaahaa ki ngaa uri o Rua Kenana
E tika ana kia murua nga hara o nga tuupuna katoa i mauheretia ra i te taha o Rua Kenana i tera atu rautau. Koira taa Tame Iti o Tuhoe.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2017, UMA Broadcasting Ltd: www.waateanews.com
RELATED NEWS
