Listen Now: 
He rongoa hou kua tae mai ki Aotearoa
Kua tae mai te rongoaa koroputaputa hei, e kiia nei ko Varicella ki tenei whenua hei oranga mo nga tamariki katoa. Nei ra a Takuta Lilly Fraser.
He aha te hua o te pire Oranga Tamariki?
Hei tenei wiki ka tau te pire Oranga Tamariki ki te whare paaremata hei tautohetohe ma nga kaitorangapu., Koinei te pire e whakatuu ana i te manatu hou e kiia nei, ko te Manatu mo nga Tamariki Whakaraerae, ara, te Manatu Oranga Tamariki.
He tuuranga koremahi kei te haere
He maha nga turanga mahi kua korehaha i roto i te Kooti Whenua Maori. Hei taa Kelvin Davis o Reipa, no te Minita Whakawhanake Maori te hee.
Te hootaka aarai tarukino
Kei te whare paaremata nga maatanga tarutaru mo nga ra e rua nei e wananga ana i nga ture tarutaru o tenei whenua. Hei taa Gilbert Taurua o te Tuapapa Tarutaru o Aotearoa, ko te iwi Maori te iwi e tino karawhiua ana i raro i nga ture tarutaru o te motu, no reira, e tika ana kia whai waahi nui, kia aronui ki nga korero ka hua ake i nga ra e ru e tu mai nei.
He puutea aawhina taapiri mo ngaa kura o Te Tai Tokerau
Kei te tuku te Kawanatanga i te $5.5 miriona taara ki nga kura o Te Tai Tookerau. Na te Minita Tuarua i nga Take Matauranga, na Tim MacIndoe tenei putea hou ma nga kura o te Tai Tokerau i panui mai, noona i Te Kura Kaupapa Maori o Kaikohe. Kei pau taua putea ki te whakatuu akomanga hou ki roto i nga kura.
He rerekee te whare wananga ki te wananga maori
Te hia pai hoki o nga Whare Wananga Auraki ki te whakahee i te hiahia o nga Whare Wananga Maori ki te whakamahi i te kupu Pakeha University. Koira taa Makere Mutu, Toihau o te Kura Maori o te Whare Wananga o Taamaki Makaurau.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2017, UMA Broadcasting Ltd: www.waateanews.com
RELATED NEWS
