Whakahee a Goff i te whakatuu whare

Whakahee a Goff i te whakatuu whare

Kei te tahuri te kahika o Tamaki a Phil Goff ki te tautoko i nga mangai o tana Kaunihera e whakahee ana i te kaupapa whakatuu whare ki te taha o te whanga o Manukau. Hei taa Goff, kei taua wahanga o te whanga etahi rauwiringa taiao tino whakahirahira, a, kaore ia i te marama, na te aha taua waahi i whakaurua ai ki te rautaki whakatuu whare o te rohe o Tamaki. E tumanako ana a Goff kia tautoko hoki te Uepu Tohutohu Maori o te Kaunihera, i tenei whakahee.

Tamaki Makaurau a Bill English mo Waitangi

Kua tau te korero a te peremia a Bill English ka haere ia ki Tamaki Makaurau mo te ra o Waitangi, inaianei, kua puta te koreo i te kaiarahi i a Reipa, i a Andrew Little, kei te haere ia ki Ahitereiria mo te Ahurei Waitangi ka tu ki Holroyd Gardens Park i te uru o Poihakena. Ko te mangai mo Te Tai Tonga, ko Rino Tirikatene hei hoa moona ki taua ahurei. Heoi, ka hoki mai a Little ki Aotearoa nei mo te ra o Waitangi, a, ka eke ki te marae o Te Tii, ka haere hoki ki te karakia o te ata ki te Whare Runanga i te papa o te Tiriti.

Ngai Tahu mahi raupii pii

Kua tahuri a Ngai Tahu ki te whakauru i te mahi raupii pii ki tana hotaka Whenua Kura. Ko te nuinga o nga akoranga o Whenua Kura e hangai pu ana ki nga mahi ahuwhenua, whakahaere paamu. Heoi, hei taa Renata Hakiwai, tumu o te hotaka Whenua Kura, kei te tino tipu te rangai raupii pii i tenei wa. Kei te mahi tahi a Ngai Tahu, Te Tapuae o Rehua, Ngai Tahu Farming me te Whare Wananga o Waitaha ki te kawe i te hotaka Whenua Kura.

Whakarauora i te reo Maori

Me nui ake te whakapau kaha ki te whakarauora i te reo Maori. Koira taa te roopu Kakariki. Hei te ra nei ka whakarewa te roopu Kakariki i taa ratou kaupapa here e pa ana ki te reo Maori.

Whakatuu whare ki runga whenua taapui

Me kaua e whai i te tauira ki Pt England, ka whakatuu whare ki runga whenua taapui, whenua reehia ranei. Koira taa te kahika o Tamaki, taa Phil Goff. Kua whakaae te Kawanatanga ki te hoko atu i te whenua taapui i te taha o te awa o Tamaki i Pt England i te ra whiti o Tamaki, ki a Ngati Paoa kia tuu ai te toru rau whare ki runga. Tokomaha nga taangata o te hapori e whakahee ana i tenei kaupapa, a, hei taa Goff, ko te ngaromanga o te whenua taapui te putake o nga whakahee.

Follow us on &

Copyright © 2017, UMA Broadcasting Ltd: www.waateanews.com

RELATED NEWS

Prime mātauranga Māori exponent dies in Utah Wairarapa Māori wary of irrigation Haka dance threatre set for Otautahi