Listen Now: 
Pukuriri a Peeni Henare
E pukuriri katoa ana te mangai torangapu mo Tamaki Makaurau, a Peeni Henare o Reipa, kaore te Minita Whakahiato Ora a Anne Tolley i te whakaae kia whakahaerehia he whakatewhatewha e pa ana ki nga tamariki tokomaha kua tukinohia i roto i nga tau, i a ratou e tiakina ana e nga tari Kawanatanga. E whakapono tonu ana a Tolley, ehara i te mea i rite tonu te tukinohia o era tamariki, engari, hei taa Henare, kei te taringa kohatu te Minita ki nga maatanga pera i a Kaiwhakawaa Carolyn Henwood, e kii ana, e hia ke tamariki i tukinohia i raro i te maru o te Tari Tamaiti Taiohi Whanau.
He tumuaki hou ki Auckland Girls Grammar
Kua tohua he tumuaki hou ki te kura Kahurangi o Tamaki, ara, ki te kura o Auckland Girl’s Grammar, a, koia te tumuaki o mua o te Kaareti o Tangaroa i Otara. No Ngati Maru a Ngaire Ashmore, a, koia te Maori tuatahi kia tuu hei tumuaki o te Kura Kahurangi o Tamaki. Tokomaha nga koohine Maori e haere ana ki Kahurangi, a, hei taa Ashmore, kaore e kore ka whai hua ia i ona wheako i Tangaroa hei awhina i a ia ki te whakahaere i te kura o Kahurangi.
Nga poari Hauora
Kua kopoua a Kahurangi Tariana Turia ki te Poari Hauora o Whanganui. Tuia ki tena, kua koopoua a Taa Mark Solomon ki te Poari Hauora o Waitaha. Huri rawa ake ki te poari hauora o Te Matau-a-Maui, ko Ngahiwi Tomoana te toihau tuarua o taua poari inaianei, a, kua whakauungia a Heather Skipworth o Iron Maori raua ko Hine Flood o te Kaunihera o Te Wairoa ki taua poari.
Piki te kitea o P ki Customs
Kei te tino piki te kitea o te P e nga apiha o te mana tauarai o Aotearoa, ara, Customs. E ai ki nga korero, mai i te tau rua mano ma iwa, toru mano oorau te pikinga ake o te kitea o te P e ratou, e ninihi mai ana ki roto i tenei whenua.
Whiwhi a Suzanne Aubert te tohu hato
Te ahua nei, ka utaina atu te tohu hato ki runga i tetahi noni wiwi, moona i kaha ki te whakatairanga i nga mootika Maori me nga mootika waahine i te rautau tekau ma iwa i Aotearoa nei. Kua hapaitia e Amorangi Francis a Suzanne Aubert ki tetahi turanga ikeike i roto i te haahi katorika, a, hei ta John Dew, mangai mo te haahi katorika o Aotearoa, ko Aubert tetahi o nga whakaawe kaapara o te punaha hauora o tenei whenua, otira, tetahi o nga hoa piritata ki te ao Maori, mai ra ano i tona taenga mai ki tenei whenua i te tau kotahi mano, waru rau, ono tekau.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2016, UMA Broadcasting Ltd: www.waateanews.com
RELATED NEWS
