July 03, 2016
Whanau Ora
Whanau Ora
Ka aata titiro tonu te roopu Reipa ki te ahu pehea o Whaanau Ora.
Heoi ano kei te hoohaa te Paati Maori ki a Reipa me a ratou tikanga tirotiro ki te kaupapa.
Hai taa Andrew Little rangatira o Reipa he aha nga paanga o Whanau Ora aa me whakarite huarahi kia whakaatu i nga hua o te kaupapa ki te motu whaanui.
He whakamaatautau hauora.
Me whai waahi te Maori ki te whakamaatautau koreutu mo te matepukupuku ki te koopu araa bowel cancer e whakahaerehia ana e te Poari Hauora o te Waitemataa.
Ka hora nga whakamaatautau koreutu nei ki te motu katoa heoi ano a muri atu i te Waitemataa ka haere ki Poneke me Te Wairarapa.
E mea ana nga kairangahau hauora tokoiti nga Maori e whakaae ana kia whakamaatautauhia.
Pryor ki te poari.
Kua whakaritea ko Graham Pryor o Ngati Awa me Ngati Rangitihi ki te poari o Irirangi Aotearoa.
Koia te upoko o mua o Mai FM mo tetahi waa roa. He nui aana mahi i te ao paapaaho me te ao pakihi.
E mea ana a Minita Papaaho a Amy Adams na te whaanuitanga o nga wheeako o Pryor ki te whakahaere roopu me tana tirohanga Maori ka whakaatu i tana waariu ki a Irirangi Aotearoa.
Tohanga puutea.
Kei te tautoko te marae o Te Puea i te puutea hou
hai hoatutanga ki nga whaanau rawakore kia rapu whare mo ratou.
Ka tiimata nga tohanga puutea hou apoopoo me te kii e kore aua whaanau e arumia ki te whakahoki i te puutea ka hoatu ki a ratou.
Hai taa Hurimoana Dennis tiamana o te marae ka tau te ihu o etahi o nga whaanau e oke ana.
Ounei he kaiwhawhai motika tangata.
I tenei raa kei te poroporoaki i a Susanna Ounei o te iwi Kanaky o New Caledonia i Poneke kei te marae o Tapu te Ranga e takoto ana.
I hau mai ki Aotearoa i te tau 84 whai muri te koohurutanga o te uupoko o te roopu tino rangatiratanga o New Caledonia a Eloi Machoro i nga piriihimana o taua moutere.
Ka kawea a Ounei ki Noumea apopo ki tana iwi Kanaky ki reira poroporoaki ano ai.
Hai aha i a Naahinara.
Mehemea ki te tuu tetahi atu roopu hai kaawanatanga atu i a Naahinara ka whakatika i te raruraru kaaingakore.
Koia te korero a Maarama Davidson o nga Kaakaariki i tenei waa e whakapau ana i tona kaha ki te aawhina i nga mahi ki te tiaki i te maha o nga whaanau e oke ana.
Hai taana ano ka tuu ano he poroteehi moe ki ro motukaa ki Onehunga a te po o te Raahoroi.
Copyright © 2016, UMA Broadcasting Ltd: www.waateanews.com