February 03, 2014
Aotearoa Tuatahi kei te piki haere ratou.
Aotearoa Tuatahi kei te piki haere ratou.
Tera pea ka riro ano ma Winston Peters te mana toorangapuu hai te koowhiringa pooti i tenei tau.
E ai ki nga tatauranga o te waa ko Aotearoa Tuatahi tera me o ratou tuuru e whitu ma ratou e whiriwhiri ko wai te Kaawanatanga.
Kua piki te roopu o Peters ki te 5 ira 7 paiheeneti me te kii kua piki hoki te roopu Kaakaariki ki te 12 ira 4 paiheeneti.
He hiikoi whakahee i te tuukino taiao.
Kua wehe atu te hiikoi e whakahee ana i te tuuhura matuu ki te Taitokerau i tona waahi timatanga araa i te marae o Maemaru i Awanui aa ka haere ki Kaeo a te po nei.
Hai taa kaiwhakahaere Reuben Porter he kaha tonu te wairua o te hiikoi i te ahunga ki Waitangi i tenei wiki.
Hai taa Porter ko te mea ko te kawenga o tetahi karere nui me te tukuna o taua karere i runga i te pai o te tautoko.
Te tikanga kia tatuu te hiikoi ki Kerikeri apopo.
Mahuta oil
E piki haere ana te aatete o te iwi whaanui ki te kaupapa a te Kaawanatanga ki te rapu i te hinu me te korohuu.
Hai taa Nanaia Mahuta mema paaremata o Reipa he tohu te hiikoi whakahee i te Taitokerau i tenei waa o te haurokuroku o te iwi whaanui ki nga mahi kerikeri me nga mahere a Naahinara ki te tiikaro i nga hua o te whenua.
Hai taa Mahuta ano ko te aawangawanga nui ko te ngoikore o o tatou puunaha haumaru ki te aarai i te parakino, i te turuturu o te hinu, o te hauhaa, o te aha ranei.
He karere ki nga rangatira.
Ko te hiahia o nga rangatira a iwi kia riro ma ratou nga rawa a te Kaawanatanga.
Koia te whakapae a Shane Jones me tana kii na to ratou pena ka ngoikore te paanga o etahi ki nga take tuukino a nga taitamataane.
Hai taa Jones ano kua tae ki te waa kia tuu pakari nga rangatira a iwi ki te whakatika i nga raruraru taikaha e awe ana i te taane Maori i runga i te mohio ko te taane tetahi rauemi motuhake o te ao Maori.
Waka, ka whai waahi a iwi taketake.
Ka whai waahi etahi manuhiri iwi taketake o Hoorana me Amerika ki te hoe waka i Waitangi i tenei wiki.
E whakaaro ana a Tamahou Teemara tetahi o nga kaiwhakahaere o Toi Maori me mahi tahi nga iwi maha i tetahi waka kotahi e whakaatu ai nga tohu toi a nga iwi taketake.
Kaati kua toko ake taua whakaaro i runga i te pai o te hui toi i tera marama i Kaikohe kotahi rau toru tekau kaitoi o iwi taketake i reira.
Paa Boys he kiriata hou.
Ka whakatika te marae o Te Poho o Raawiri i Tuuranga ki te hautuu i te tuuwheratanga o te kiriata Paa Boys.
Ka kitea taua kiriata huri noa te motu hai te raa o te Waitangi.
Hai taa Te Haamua Niikora kaiwhakakite o mua mo Whakaata Maori e whakahiihii ana te ngaakau ki te tatuunga o te kaupapa raa ki Tuuranga me te kaha o te tautoko
a te haapori whaanui ki tera ahuatanga.
He aha te paanga o te ahurea?
Kei te hee nga whakapae ko nga take ahurea Maori kei muri i te tatauranga kino o te mate pukupuku ure o nga taane Maori.
Hai taa Taakuta Nina Scott i tana korero ki te komiti whiriwhiri Maori o Paaremata ki nga kitenga o te waa he orite te kaha o te taane Maori ki to te taane Pakeha ki te haere ki te taakuta.
Hai taa Scott ki tana titiro ko te puunaha hauora te raruraru, ehara kee
Copyright © 2014, UMA Broadcasting Ltd