May 27, 2013
Mā wai e whakahaere te iwi?
I ngā wiki kua pāhure ake rā i tukuna te rōpū whakahaere mō te iwi ō Te Atiawa i ngā tukunga pōti ki ngā uri ō te iwi nei i runga i te tau tekau mā waru.
Ko te arotahi ō te pōti nei kia whakamanahia te rōpū e whakahaere te iwi ā muri ake i te whakatau ā Tiriti.
I tēnei rā ka tū te hui tuatahi ki te hōtera ā Jet Park ki Tāmaki Makaurau mō ngā uri ō Te Atiawa.
Ka haere tētehi ope mangai nō te poari ā Te Atiawa Iwi Authority ki ētehi wāhi ō Aotearoa kia kawea ngā hiahia ō te rōpū nei kia kimi kōrero hoki e pā ana ki te rōpū hou, arā ko Te Kotahitanga ō Te Atiawa.
I ēnei hui ka tū ngā mangai mai te rōpū ā TAIA kia whakaatu atu ngā kōrero ō roto i ēnei tukunga pōti kia whakamārama hoki ngā kōrero ō roto.
Mā rātou e taea ana te whakautu patai hoki
I apōpō ka tū te hui tua rua ki te hōtera ō Ibis i Kirikiriroa, katahi ka tū te hui tua toru i te rā rua tekau mā iwa ki te hōtera ā James Cook i Te Whanganui-ā-Tara.
Ka tū te hui whakamutunga ō waho ō te rohe ō Taranaki i te hōtera ō Copthorn i Otautahi katahi ka hoki mai ki Whaitara mō te hui whakamutunga i te rā tua whā ō te marama e heke mai ana.
Mō ētehi atu kōrero e pā ana ki ēnei hui ipurangi atu ki teatiawa.iwi.nz
Mō ētehi atu kōrero e pā ana ki te tukunga pōti Imera atu ki elections@electionz.com
Waea atu rānei ki te Returning Officer i te nama kore rima kore waru ono ono ono tahi kore tahi.
Copyright © 2013, Uma Broadcasting Ltd