February 17, 2013
He wero ki te ahua ō te ture
E wero ana te rōpū e kiia nei, ko Just Speak, i te rangai ture taihara, arā, i te criminal justice sector.
Hei tā te rōpū nei, ahakoa ngā rautaki kua whakaurua ki te rangai ture taihara e pai ake ai tāna kawe i āna mahi, kāore ngā Māori i te whai hua i aua rautaki.
E tahuri ana te rōpū nei ki ngā tatauranga i puta i te pūrongo-ā-tau ā te ope hoia whakaora, arā, ā te Salvation Army, pērā i te tatauranga e kii ana, mēnā ka mauheretia e ngā pirihimana ngā rangatahi Māori i waenganui i te tekau mā whā mē te tekau mā ono ngā tau, tokomaha ake ō rātou ka haria ki te kooti kia hāmenetia, tēnā i ngā rangatahi ō iwi kē.
Hei tā Just Speak, pai ake te whai i ngā whiu e mahi ai ngā rangatahi takahi tūre mā te hāpori, i ngā whiu whare herehere.
Copyright © 2013, Uma Broadcasting Ltd